ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠢᠢᠨ ᠰᠠᠨᠠᠭᠠᠴᠢᠯᠠᠭᠰᠠᠨ 《ᠲᠡᠷᠪᠤᠮ ᠮᠣᠳᠣ》 ᠦᠨᠳᠦᠰᠦᠨ ᠦ ᠬᠥᠳᠡᠯᠭᠡᠭᠡᠨ ᠦ ᠬᠡᠷᠡᠭᠵᠢᠯᠲᠡ ᠲᠡᠢ ᠲᠠᠨᠢᠯᠴᠠᠬᠤ᠂ ᠡᠷᠴᠢᠮᠵᠢᠭᠦᠯᠬᠦ ᠵᠣᠷᠢᠯᠭᠠ ᠪᠠᠷ ᠶᠡᠷᠦᠩᠬᠡᠢᠢᠯᠡᠭᠴᠢ ᠢᠢᠨ ᠲᠠᠮᠠᠭᠠ ᠢᠢᠨ ᠭᠠᠵᠠᠷ ᠤᠨ ᠳᠠᠷᠤᠭᠠ ᠢᠢᠨ ᠵᠠᠬᠢᠷᠤᠮᠵᠢ ᠪᠠᠷ ᠪᠠᠢᠢᠭᠤᠯᠤᠭᠳᠠᠭᠰᠠᠨ ᠠᠵᠢᠯ ᠤᠨ ᠬᠡᠰᠡᠭ ᠡᠮᠦᠨᠡᠭᠣᠪᠢ ᠠᠢᠢᠮᠠᠭ ᠤᠨ ᠴᠣᠭᠲᠤᠴᠡᠴᠡᠢ ᠰᠤᠮᠤᠨ ᠳᠤ ᠪᠠᠢᠢᠷᠢᠯᠠᠬᠤ 《ᠡᠷᠳᠡᠨᠢᠰ ᠲᠠᠪᠤᠨ ᠲᠣᠯᠣᠭᠠᠢ》ᠬᠤ᠊᠂ ᠻᠤᠮᠫᠠᠨᠢ ᠳᠤ ᠠᠵᠢᠯᠯᠠᠯᠠ᠃
《ᠡᠷᠳᠡᠨᠢᠰ ᠲᠠᠪᠤᠨ ᠲᠣᠯᠣᠭᠠᠢ》ᠬᠤ᠊᠂ ᠻᠤᠮᠫᠠᠨᠢ ᠨᠢ 《ᠲᠡᠷᠪᠤᠮ ᠮᠣᠳᠣ》 ᠦᠨᠳᠦᠰᠦᠨ ᠦ ᠬᠥᠳᠡᠯᠭᠡᠭᠡᠨ ᠢ ᠳᠡᠮᠵᠢᠨ 180 ᠰᠠᠶᠠ ᠮᠣᠳᠣ ᠲᠠᠷᠢᠵᠤ᠂ ᠤᠷᠭᠤᠭᠤᠯᠬᠤ ᠠᠮᠠᠯᠠᠯᠲᠠ ᠥᠭ᠍ᠭᠦᠭ᠍ᠰᠡᠨ ᠶᠤᠮ᠃
ᠡᠨᠡ ᠬᠦᠷᠢᠶᠡᠨ ᠳᠥ ᠮᠣᠩ᠋ᠭᠣᠯ ᠣᠷᠣᠨ ᠤ ᠬᠠᠩ᠋ᠭᠠᠢ᠂ ᠭᠣᠪᠢ ᠪᠣᠯᠤᠨ ᠭᠣᠪᠢ ᠬᠡᠭᠡᠷᠡ ᠢᠢᠨ ᠪᠦᠰᠡ ᠳᠥ ᠴᠥᠯᠵᠢᠯᠲᠡ ᠢᠢ ᠪᠠᠭᠤᠷᠠᠭᠤᠯᠬᠤ᠂ ᠬᠠᠭᠤᠷᠠᠢᠢᠰᠢᠯᠲᠠ ᠢᠢ ᠪᠠᠭᠠᠰᠭᠠᠬᠤ᠂ ᠠᠭᠷᠣ ᠣᠢ ᠢᠢᠨ ᠠᠵᠤ ᠠᠬᠤᠢ ᠢᠢ ᠬᠥᠭ᠍ᠵᠢᠭᠦᠯᠵᠦ ᠨᠣᠭᠣᠭᠠᠨ ᠡᠳ᠋ ᠍ ᠦᠨ ᠵᠠᠰᠠᠭ ᠢ ᠳᠡᠮᠵᠢᠬᠦ᠂ ᠠᠭᠤᠯᠠ ᠠᠭᠤᠷᠬᠠᠢ ᠢᠢᠨ ᠨᠥᠯᠥᠭᠡᠯᠡᠯ ᠳᠥ ᠥᠷᠲᠦᠵᠦ᠂ ᠡᠪᠳᠡᠷᠡᠯ ᠳᠥ ᠣᠷᠣᠭᠰᠠᠨ ᠭᠠᠵᠠᠷ ᠢ ᠨᠥᠬᠦᠨ ᠰᠡᠷᠭᠦᠭᠡᠬᠦ ᠵᠣᠷᠢᠯᠭᠠ ᠪᠠᠷ ᠭᠤᠷᠪᠠᠨ ᠦᠶᠡ ᠱᠠᠲᠤ ᠪᠦᠬᠦᠢ 《ᠰᠠᠶᠠ ᠲᠣᠨᠠ – ᠰᠠᠶᠠ ᠮᠣᠳᠣ》 ᠬᠥᠲᠦᠯᠪᠦᠷᠢ ᠢᠢ ᠪᠣᠯᠪᠠᠰᠤᠷᠠᠭᠤᠯᠤᠨ ᠬᠡᠷᠡᠭᠵᠢᠭᠦᠯᠵᠦ ᠪᠠᠢᠢᠨᠠ᠃
《ᠰᠠᠶᠠ ᠲᠣᠨᠠ – ᠰᠠᠶᠠ ᠮᠣᠳᠣ》ᠬᠥᠲᠦᠯᠪᠦᠷᠢ ᠳᠥ᠄
• ᠭᠣᠪᠢ ᠢᠢᠨ ᠪᠦᠰᠡ ᠳᠥ 62 ᠰᠠᠶ᠋ᠢ ᠪᠤᠶᠤ ᠲᠡᠮᠦᠷ ᠵᠠᠮ ᠤᠨ ᠵᠤᠷᠪᠤᠰ ᠲᠤ 21.9 ᠰᠠᠶᠠ᠂ ᠠᠦ᠋ᠲ᠋ᠤᠵᠠᠮ ᠤᠨ ᠵᠤᠷᠪᠤᠰ ᠲᠤ 9 ᠰᠠᠶᠠ᠂ ᠬᠠᠮᠠᠭᠠᠯᠠᠯᠲᠠ ᠢᠢᠨ ᠣᠢ ᠢᠢᠨ ᠵᠤᠷᠪᠤᠰ ᠲᠤ 3 ᠰᠠᠶᠠ᠂ ᠵᠠᠭ ᠤᠨ ᠣᠢᠢᠵᠢᠭᠤᠯᠤᠯᠲᠠ ᠳᠤ 32.7 ᠰᠠᠶᠠ ᠮᠣᠳᠣ ᠲᠠᠷᠢᠬᠤ᠂
• ᠬᠠᠩ᠋ᠭᠠᠢ ᠢᠢᠨ ᠪᠦᠰᠡ ᠳᠥ 82 ᠰᠠᠶᠠ ᠪᠤᠶᠤ ᠰᠢᠯᠮᠦᠦᠰᠦᠲᠦ ᠣᠢ ᠳᠤ 68 ᠰᠠᠶ᠋ᠢ᠂ ᠲᠥᠪ ᠰᠠᠭᠤᠷᠢᠨ ᠭᠠᠵᠠᠷ ᠤᠨ ᠨᠣᠭᠣᠭᠠᠨ ᠪᠦᠰᠡ ᠳᠥ 14 ᠰᠠᠶᠠ ᠮᠣᠳᠣ ᠲᠠᠷᠢᠬᠤ᠂
• ᠭᠣᠪᠢ ᠬᠡᠭᠡᠷᠡ ᠢᠢᠨ ᠪᠥᠰᠡ ᠳᠥ 36 ᠰᠠᠶᠠ ᠮᠣᠳᠣ ᠪᠤᠶᠤ ᠠᠭᠷᠣ ᠣᠢᠢᠵᠢᠭᠤᠯᠤᠯᠲᠠ ᠬᠢᠬᠦ ᠪᠡᠷ ᠲᠤᠰᠬᠠᠵᠠᠢ᠃
ᠥᠨᠥᠳᠥᠷ ᠦᠨ ᠪᠠᠢᠢᠳᠠᠯ ᠢᠶᠠᠷ ᠲᠤᠰ ᠻᠣᠮᠫᠠᠨᠢ 53 ᠮᠢᠩ᠋ᠭᠠᠨ ᠲᠠᠷᠢᠴᠠ᠂ ᠰᠠᠭᠤᠯᠭᠠᠴᠠ ᠢᠢᠨ ᠨᠥᠭᠡᠴᠡ ᠪᠦᠷᠢᠳᠦᠭᠦᠯᠵᠦ᠂ 2021-2023 ᠣᠨ ᠳᠤ ᠨᠡᠢᠢᠲᠡ 330 ᠣᠷᠴᠢᠮ ᠮᠢᠩ᠋ᠭᠠᠨ ᠮᠣᠳᠣ ᠲᠠᠷᠢᠵᠤ ᠤᠷᠭᠤᠭᠤᠯᠤᠭᠠᠳ ᠪᠠᠢᠢᠨᠠ᠃
《ᠰᠠᠶᠠ ᠲᠣᠨᠠ-ᠰᠠᠶᠠ ᠮᠣᠳᠣ》 ᠬᠥᠲᠥᠯᠪᠦᠷᠢ ᠢᠢᠨ ᠬᠦᠷᠢᠶᠡᠨ ᠳᠥ 2021-2025 ᠣᠨ ᠳᠤ ᠭᠤᠷᠪᠠᠨ ᠰᠠᠶᠠ᠂ 2025-2027 ᠣᠨ ᠳᠤ 57 ᠰᠠᠶ᠋ᠢ᠂ 2027-2030 ᠣᠨ ᠳᠤ 120 ᠰᠠᠶᠠ ᠮᠣᠳᠣ ᠢᠢ ᠲᠠᠷᠢᠬᠤ ᠶᠤᠮ᠃
ᠲᠤᠰ ᠬᠥᠲᠦᠯᠪᠦᠷᠢ ᠳᠥ ᠲᠤᠰᠬᠠᠭᠰᠠᠨ 180 ᠰᠠᠶᠠ ᠮᠣᠳᠣ ᠲᠠᠷᠢᠬᠤ ᠪᠦᠰᠡᠴᠢᠯᠡᠯ ᠨᠢ 《ᠲᠡᠷᠪᠤᠮ ᠮᠣᠳᠣ》 ᠦᠨᠳᠦᠰᠦᠨ ᠦ ᠬᠥᠳᠡᠯᠭᠡᠭᠡᠨ ᠦ ᠦᠨᠳᠦᠰᠦᠨ ᠵᠣᠷᠢᠯᠲᠠ ᠨᠤᠭᠤᠳ ᠲᠠᠢ ᠬᠡᠷᠬᠢᠨ ᠤᠶᠠᠯᠳᠤᠵᠤ ᠪᠠᠢᠢᠭᠠ ᠢᠢ 《ᠡᠷᠳᠡᠨᠢᠰ ᠲᠠᠪᠤᠨ ᠲᠣᠯᠣᠭᠠᠢ》ᠬᠤ᠊᠂ ᠻᠤᠮᠫᠠᠨᠢ ᠍ ᠢᠢᠨ ᠪᠠᠢᠢᠭᠠᠯᠢ ᠣᠷᠴᠢᠨ᠂ ᠤᠰᠤᠨ ᠤ ᠪᠣᠳᠣᠯᠭᠠ ᠢᠢᠨ ᠬᠡᠯᠲᠡᠰ ᠦᠨ ᠠᠬᠠᠯᠠᠬᠤ ᠮᠡᠷᠭᠡᠵᠢᠯᠲᠡᠨ ᠪ᠊᠂ ᠣᠷᠭᠢᠯ ᠲᠠᠨᠢᠯᠴᠠᠭᠤᠯᠪᠠ᠃
ᠲᠤᠬᠠᠢᠢᠯᠠᠪᠠᠯ᠂ ᠳᠣᠷᠣᠢᠢᠲᠠᠭᠰᠠᠨ ᠣᠢ ᠢᠢ ᠨᠥᠬᠥᠨ ᠰᠡᠷᠭᠦᠭᠡᠬᠦ ᠵᠣᠷᠢᠯᠲᠠ ᠳᠤ 101 ᠰᠠᠶ᠋ ᠠ ᠪᠤᠶᠤ 180 ᠰᠠᠶᠠ ᠮᠣᠳᠣᠨ ᠤ 56 ᠬᠤᠪᠢ᠂ ᠠᠭᠷᠣ ᠣᠢ ᠢᠢᠨ ᠠᠵᠤ ᠠᠬᠤᠢ ᠬᠥᠭ᠍ᠵᠢᠭᠦᠯᠬᠦ ᠳᠥ 40 ᠰᠠᠶᠠ ᠮᠣᠳᠣ ᠪᠤᠶᠤ 22 ᠬᠤᠪᠢ᠂ ᠴᠥᠯᠵᠢᠯᠲᠡ ᠡᠴᠡ ᠬᠠᠮᠠᠭᠠᠯᠠᠬᠤ ᠳᠤ 35 ᠰᠠᠶᠠ ᠮᠣᠳᠣ ᠪᠤᠶᠤ 20 ᠬᠤᠪᠢ᠂ ᠬᠣᠲᠠ ᠢᠢᠨ ᠣᠢ ᠬᠥᠭ᠍ᠵᠢᠭᠦᠯᠬᠦ ᠳᠥ 3.5 ᠰᠠᠶᠠ ᠮᠣᠳᠣ ᠪᠤᠶᠤ 2 ᠬᠤᠪᠢ ᠢᠢ ᠨᠢ ᠲᠠᠷᠢᠬᠤ ᠵᠠᠮ ᠢᠶᠠᠷ ᠬᠤᠪᠢ ᠨᠡᠮᠡᠷᠢ ᠪᠡᠨ ᠣᠷᠣᠭᠤᠯᠬᠤ ᠪᠠᠷ ᠲᠥᠯᠥᠪᠯᠡᠭᠰᠡᠨ ᠪᠠᠢᠢᠨᠠ᠃
ᠬᠥᠲᠦᠯᠪᠦᠷᠢ ᠢᠢᠨ ᠬᠦᠷᠢᠶᠡᠨ ᠳᠥ ᠮᠣᠳᠣᠨ ᠤ ᠲᠠᠷᠢᠴᠠ᠂ ᠰᠠᠭᠤᠯᠭᠠᠴᠠ ᠢᠢᠨ ᠨᠥᠭᠡᠴᠡ ᠢᠢ ᠪᠦᠷᠢᠳᠦᠭᠦᠯᠬᠦ ᠴᠢᠭᠯᠡᠯ ᠳᠥ ᠡᠮᠦᠨᠡᠭᠣᠪᠢ ᠠᠢᠢᠮᠠᠭ ᠤᠨ ᠴᠣᠭᠲᠤᠴᠡᠴᠡᠢ ᠰᠤᠮᠤᠨ ᠳᠤ 20 ᠭᠠ ᠲᠠᠯᠠᠪᠠᠢ ᠳᠤ ᠠᠦ᠋ᠲ᠋ᠣᠮᠠᠲ ᠮᠣᠳᠣ ᠦᠷᠡᠵᠢᠭᠦᠯᠭᠡ ᠢᠢᠨ ᠭᠠᠵᠠᠷ ᠪᠦᠬᠦᠢ 《ᠡᠷᠳᠡᠨᠢᠰ》 ᠠᠭᠷᠣᠫᠠᠷᠻ᠂ ᠳᠣᠷᠣᠨᠠᠭᠣᠪᠢ ᠠᠢᠢᠮᠠᠭ ᠤᠨ ᠰᠠᠢᠢᠨᠱᠠᠩᠳᠠ ᠰᠤᠮᠤᠨ ᠳᠤ 30 ᠭᠠ ᠲᠠᠯᠠᠪᠠᠢ ᠳᠤ 《ᠵᠡᠭᠦᠨᠪᠠᠶᠠᠨ》 ᠠᠭᠷᠣᠫᠠᠷᠻ ᠢ ᠪᠠᠢᠢᠭᠤᠯᠬᠤ ᠶᠤᠮ᠃
《ᠡᠷᠳᠡᠨᠢᠰ》᠂ 《ᠵᠡᠭᠦᠨ ᠪᠠᠶᠠᠨ》 ᠠᠭᠷᠣᠫᠠᠷᠻ ᠤᠳ ᠨᠢ ᠣᠷᠴᠢᠨ ᠦᠶᠡ ᠢᠢᠨ ᠳᠡᠪᠰᠢᠯᠲᠡᠲᠦ ᠲᠧᠭᠨᠣᠯᠣᠭᠢ᠂ ᠢᠨ᠋᠊ᠨᠣᠸᠠᠼ ᠰᠢᠩ᠋ᠭᠡᠭᠡᠭ᠍ᠰᠡᠨ ᠥᠨᠳᠥᠷ ᠬᠦᠴᠦᠨ ᠴᠢᠳᠠᠯ ᠲᠠᠢ ᠪᠤᠶᠤ ᠲᠤᠰ ᠪᠦᠷᠢ ᠵᠢᠯ ᠳᠥ 8-10 ᠰᠠᠶᠠ ᠲᠠᠷᠢᠴᠠ ᠤᠷᠭᠤᠭᠤᠯᠬᠤ ᠪᠠᠷ ᠲᠣᠭᠠᠴᠠᠨ ᠪᠦᠲᠦᠭᠡᠨ ᠪᠠᠢᠢᠭᠤᠯᠤᠯᠲᠠ ᠢᠢᠨ ᠠᠵᠢᠯ ᠢ ᠡᠷᠴᠢᠮᠵᠢᠭᠦᠯᠬᠦ ᠳᠥ ᠠᠩᠬᠠᠷᠤᠯ ᠬᠠᠨᠳᠤᠭᠤᠯᠤᠨ ᠠᠵᠢᠯᠯᠠᠵᠤ ᠪᠠᠢᠢᠨᠠ᠃
《ᠡᠷᠳᠡᠨᠢᠰ ᠲᠠᠪᠤᠨ ᠲᠣᠯᠣᠭᠠᠢ》ᠬᠤ᠊᠂ ᠻᠤᠮᠫᠠᠨᠢ ᠨᠢ 《ᠲᠡᠷᠪᠤᠮ ᠮᠣᠳᠣ》 ᠦᠨᠳᠦᠰᠦᠨ ᠦ ᠬᠥᠳᠡᠯᠭᠡᠭᠡᠨ ᠦ ᠬᠦᠷᠢᠶᠡᠨ ᠳᠥ ᠣᠢᠢᠵᠢᠭᠤᠯᠤᠯᠲᠠ ᠬᠢᠬᠦ ᠲᠤᠷᠰᠢᠯᠭᠠ᠂ ᠪᠠᠭᠠᠵᠠ ᠰᠠᠭᠤᠷᠢ ᠢᠢ ᠪᠦᠷᠢᠳᠦᠭᠦᠯᠦᠨ ᠡᠨᠡ ᠠᠵᠢᠯ ᠢ ᠴᠠᠨᠠᠭᠰᠢᠳᠠ ᠴᠤ ᠦᠷᠭᠦᠯᠵᠢᠯᠡᠭᠦᠯᠵᠦ᠂ ᠮᠣᠩ᠋ᠭᠣᠯ ᠣᠷᠣᠨ᠂ ᠢᠯᠠᠩ᠋ᠭᠤᠶᠠ ᠡᠮᠦᠨᠡᠭᠣᠪᠢ ᠠᠢᠢᠮᠠᠭ ᠲᠤ ᠨᠢᠭᠤᠷᠯᠠᠭᠠᠳ ᠪᠤᠢ ᠴᠥᠯᠵᠢᠯᠲᠡ᠂ ᠰᠢᠷᠠ ᠰᠢᠷᠤᠢ ᠢᠢᠨ ᠰᠢᠭᠤᠷᠭᠠ ᠢᠢ ᠰᠠᠭᠠᠷᠠᠭᠤᠯᠬᠤ ᠳᠤ ᠬᠤᠪᠢ ᠨᠡᠮᠡᠷᠢ ᠪᠡᠨ ᠣᠷᠣᠭᠤᠯᠤᠨᠠ ᠭᠡᠳᠡᠭ ᠢ ᠻᠣᠮᠫᠠᠨᠢ ᠢᠢᠨ ᠵᠠᠬᠢᠷᠭᠠ᠂ ᠤᠳᠤᠷᠢᠳᠤᠯᠭᠠ ᠢᠢᠨ ᠭᠠᠵᠠᠷ ᠤᠨ ᠳᠠᠷᠤᠭᠠ ᠨ᠊᠂ ᠠᠨᠤᠨ ᠡᠨᠡ ᠦᠶᠡ ᠪᠡᠷ ᠣᠨᠴᠠᠯᠠᠯᠠ᠃
ᠴᠢᠨᠠᠭᠰᠢᠳᠠ ᠡᠨᠡ ᠴᠢᠭᠯᠡᠯ ᠦᠨ ᠦᠢᠯᠡ ᠠᠵᠢᠯᠯᠠᠭᠠ ᠪᠠᠨ ᠢᠳᠡᠪᠬᠢᠵᠢᠭᠦᠯᠬᠦ ᠳᠥ《ᠡᠷᠳᠡᠨᠢᠰ ᠲᠠᠪᠤᠨ ᠲᠣᠯᠣᠭᠠᠢ》ᠬᠤ᠊᠂ ᠻᠤᠮᠫᠠᠨᠢ ᠪᠣᠯᠤᠨ ᠲᠥᠷᠦ ᠢᠢᠨ ᠥᠮᠴᠢᠲᠤ ᠪᠤᠰᠤᠳ ᠻᠣᠮᠫᠠᠨᠢ ᠨᠤᠭᠤᠳ ᠲᠤ ᠲᠤᠯᠭᠠᠷᠠᠵᠤ ᠪᠤᠢ ᠨᠡᠢᠢᠲᠡᠯᠢᠭ ᠠᠰᠠᠭᠤᠳᠠᠯ ᠤᠳ ᠤᠨ ᠲᠠᠯᠠ ᠪᠠᠷ ᠠᠵᠢᠯ ᠤᠨ ᠬᠡᠰᠡᠭ ᠦᠨ ᠭᠡᠰᠢᠭᠦᠳ ᠪᠣᠯᠤᠨ ᠻᠣᠮᠫᠠᠨᠢ ᠢᠢᠨ ᠲᠥᠯᠦᠭᠡᠯᠡᠯ ᠨᠡᠭᠡᠭᠡᠯᠲᠡᠲᠡᠢ ᠰᠠᠨᠠᠯ ᠰᠣᠯᠢᠯᠴᠠᠵᠤ᠂ ᠭᠠᠷᠴᠠ ᠰᠢᠢᠳᠦᠯ ᠢ ᠲᠣᠳᠣᠷᠬᠠᠢᠢᠯᠠᠬᠤ ᠳᠤ ᠬᠠᠮᠲᠤᠷᠠᠨ ᠠᠵᠢᠯᠯᠠᠬᠤ ᠪᠠᠷ ᠶᠠᠷᠢᠯᠴᠠᠯᠠ᠃
