ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠤᠬᠤᠨᠠ ᠢᠢᠨ ᠬᠦᠷᠡᠯᠰᠦ᠋ᠬᠡ ᠡᠬᠡ ᠣᠷᠣᠨ ᠳᠠᠭᠠᠨ ᠬᠠᠷᠠ ᠲᠤᠭᠤᠯᠭᠠᠨ ᠤ ᠪᠠᠲ᠋ᠠᠷᠧᠢ ᠢᠢ ᠳᠠᠪᠲᠠᠨ ᠪᠣᠯᠪᠠᠰᠤᠷᠠᠭᠤᠯᠬᠤ ᠦᠢᠯᠡᠳᠪᠦᠷᠢ ᠪᠠᠢᠢᠭᠤᠯᠤᠭᠰᠠᠨ 《ᠡᠯᠧᠻᠲ᠋ᠷᠣᠻᠧᠮ ᠮᠣᠩ᠋ᠭᠣᠯ》ᠬᠢ᠂ ᠬᠠ᠂ ᠻᠤᠮᠫᠠᠨᠢ᠍ ᠳᠤ ᠠᠵᠢᠯᠯᠠᠯᠠ᠃
ᠲᠤᠰ ᠻᠣᠮᠫᠠᠨᠢ ᠬᠤ᠂ ᠪᠥ᠊᠂ ᠨᠠᠢᠢ᠊᠂ ᠭᠸ᠊᠂ ᠤᠯᠤᠰ᠂ ᠪᠥ᠊᠂ ᠨᠠᠢᠢ᠊᠂ ᠡ᠊᠂ ᠤᠯᠤᠰ᠂ ᠢᠲ᠋ᠠᠯᠢ ᠢᠢᠨ ᠥᠨᠳᠥᠷ ᠲᠧᠭᠨᠣᠯᠣᠭᠢ ᠪᠦᠬᠦᠢ᠂ ᠬᠠᠷᠠ ᠲᠤᠭᠤᠯᠭᠠᠨ ᠤ ᠪᠠᠲ᠋ᠠᠷᠧᠢ ᠢᠢ ᠳᠠᠪᠲᠠᠨ ᠪᠣᠯᠪᠠᠰᠤᠷᠠᠭᠤᠯᠬᠤ ᠦᠢᠯᠡᠳᠪᠦᠷᠢ ᠪᠡᠨ ᠨᠢᠭᠡ ᠰᠠᠷᠠ ᠢᠢᠨ ᠡᠮᠦᠨᠡ ᠠᠰᠢᠭᠯᠠᠯᠲᠠ ᠳᠤ ᠣᠷᠣᠭᠤᠯᠤᠭᠰᠠᠨ ᠪᠠᠢᠢᠨᠠ᠃ ᠦᠢᠯᠡᠳᠪᠦᠷᠢ ᠵᠢᠯ ᠳᠥ 800 ᠮᠢᠩ᠋ᠭᠠᠨ ᠰᠢᠷᠬᠡᠭ᠌ ᠪᠤᠶᠤ 12 ᠮᠢᠩ᠋ᠭᠠᠨ ᠲᠤᠨᠠ ᠪᠠᠲ᠋ᠠᠷᠧᠢ ᠳᠠᠪᠲᠠᠨ ᠪᠣᠯᠪᠠᠰᠤᠷᠠᠭᠤᠯᠬᠤ ᠬᠦᠴᠦᠨ ᠴᠢᠳᠠᠯ ᠲᠠᠢ᠂ ᠡᠨᠡ ᠨᠢ ᠣᠢᠢᠷᠠ ᠢᠢᠨ 10 ᠵᠢᠯ ᠳᠥ ᠴᠤ ᠠᠰᠢᠭᠯᠠᠯᠲᠠ ᠠᠴᠠ ᠭᠠᠷᠬᠤ ᠪᠦᠬᠦ ᠪᠠᠲ᠋ᠠᠷᠧᠢ ᠢᠢ ᠳᠠᠪᠲᠠᠨ ᠪᠣᠯᠪᠠᠰᠤᠷᠠᠭᠤᠯᠵᠤ ᠴᠢᠳᠠᠨᠠ ᠭᠡᠰᠡᠨ ᠦᠭᠡ ᠶᠤᠮ᠃
ᠦᠢᠯᠡᠳᠪᠦᠷᠢ ᠲᠧᠭᠨᠣᠯᠣᠭᠢ ᠢᠢᠨ ᠬᠠᠶᠠᠭᠳᠠᠯ ᠭᠠᠷᠭᠠᠳᠠᠭ ᠦᠭᠡᠢ᠂ ᠬᠡᠷᠡᠭᠯᠡᠭᠰᠡᠨ ᠤᠰᠤ ᠪᠠᠨ ᠴᠡᠪᠡᠷᠯᠡᠵᠦ ᠳᠠᠬᠢᠨ ᠠᠰᠢᠭᠯᠠᠳᠠᠭ᠂ ᠢᠵᠢᠯ ᠲᠥᠰᠲᠡᠢ ᠪᠤᠰᠤᠳ ᠦᠢᠯᠡᠳᠪᠦᠷᠢ ᠲᠡᠢ ᠬᠠᠷᠢᠴᠠᠭᠤᠯᠬᠤ ᠳᠤ 30 ᠣᠷᠴᠢᠮ ᠬᠤᠪᠢ ᠢᠢᠨ ᠪᠠᠭᠠ ᠳᠤᠯᠠᠭᠠᠨ᠂ ᠴᠠᠬᠢᠯᠭᠠᠨ ᠵᠠᠷᠤᠴᠠᠭᠤᠯᠳᠠᠭ ᠵᠡᠷᠭᠡ ᠳᠠᠪᠠᠭᠤ ᠲᠠᠯᠠ ᠲᠠᠢ ᠢᠢ ᠻᠣᠮᠫᠠᠨᠢ ᠢᠢᠨ ᠤᠳᠤᠷᠢᠳᠤᠯᠭᠠ ᠨᠤᠭᠤᠳ ᠲᠠᠨᠢᠯᠴᠠᠭᠤᠯᠤᠯᠠ᠃
ᠠᠰᠢᠭᠯᠠᠯᠲᠠ ᠠᠴᠠ ᠭᠠᠷᠤᠭᠰᠠᠨ ᠬᠠᠷᠠ ᠲᠤᠭᠤᠯᠭᠠᠨ ᠤ ᠪᠠᠲ᠋ᠠᠷᠧᠢ ᠬᠣᠣᠷᠲᠤ ᠬᠠᠪᠤᠳᠠᠷ ᠡᠭᠦᠰᠭᠡᠬᠦ ᠥᠨᠳᠥᠷ ᠡᠷᠦᠰᠳᠡᠯᠲᠡᠢ᠂ ᠳᠡᠯᠡᠬᠡᠢ ᠨᠡᠢᠢᠲᠡ ᠳᠥ ᠠᠶᠤᠯᠲᠠᠢ ᠬᠣᠭ ᠬᠠᠶᠠᠭᠳᠠᠯ ᠳᠤ ᠲᠣᠭᠠᠴᠠᠭᠳᠠᠳᠠᠭ᠃ ᠮᠠᠨ ᠤ ᠤᠯᠤᠰ ᠲᠤ ᠵᠢᠯ ᠳᠥ 500 ᠮᠢᠩ᠋ᠭᠠ ᠭᠠᠷᠤᠢ ᠪᠠᠲ᠋ᠠᠷᠧᠢ ᠬᠠᠶᠠᠭᠳᠠᠳᠠᠭ ᠪᠥᠭᠡᠳ ᠬᠠᠷᠠ ᠲᠤᠭᠤᠯᠭᠠᠨ ᠤ ᠪᠣᠬᠢᠷᠳᠠᠯ ᠵᠥᠪᠰᠢᠶᠡᠷᠡᠭᠳᠡᠬᠥ ᠬᠡᠮᠵᠢᠶᠡᠨ ᠡᠴᠡ 500-600 ᠳᠠᠬᠢᠨ ᠶᠡᠬᠡ ᠭᠡᠰᠡᠨ ᠰᠤᠳᠤᠯᠭᠠ ᠪᠠᠢᠢᠳᠠᠭ᠃ ᠡᠢᠢᠮᠦ ᠦᠶᠡ ᠳᠥ ᠬᠦᠮᠦᠨ ᠦ ᠡᠷᠡᠭᠦᠯ ᠮᠡᠨᠳᠦ᠂ ᠪᠠᠢᠢᠭᠠᠯᠢ ᠤᠷᠴᠢᠨ ᠳᠤ ᠡᠭᠡᠯᠢᠲᠡᠢ᠂ ᠬᠠᠶᠠᠭᠳᠠᠯ ᠦᠭᠡᠢ ᠲᠧᠭᠨᠣᠯᠣᠭᠢ ᠠᠰᠢᠭᠯᠠᠨ᠂ ᠰᠲ᠋ᠷᠠᠲ᠋ᠧᠭᠢ ᠢᠢᠨ ᠠᠴᠢ ᠬᠣᠯᠪᠣᠭᠳᠠᠯ ᠲᠠᠢ ᠦᠢᠯᠡᠳᠪᠦᠷᠢ ᠪᠠᠢᠢᠭᠤᠯᠤᠭᠰᠠᠨ ᠻᠣᠮᠫᠠᠨᠢ ᠢᠢᠨ ᠤᠳᠤᠷᠢᠳᠤᠯᠭᠠ᠂ ᠬᠠᠮᠲᠤ ᠣᠯᠠᠨ᠂ ᠭᠠᠳᠠᠭᠠᠳᠤ ᠢᠢᠨ ᠲᠦᠩᠰᠢ ᠪᠠᠢᠢᠭᠤᠯᠤᠯᠭᠠ ᠨᠤᠭᠤᠳ ᠲᠤ ᠶᠡᠷᠦᠩᠬᠡᠢᠢᠯᠡᠭᠴᠢ ᠤᠬᠤᠨᠠ ᠢᠢᠨ ᠬᠦᠷᠡᠯᠰᠦ᠋ᠬᠡ ᠲᠠᠯᠠᠷᠬᠠᠯ ᠢᠯᠡᠷᠬᠡᠢᠢᠯᠡᠯᠡ᠃
《ᠡᠯᠧᠻᠲ᠋ᠷᠣᠻᠧᠮ ᠮᠣᠩ᠋ᠭᠣᠯ》ᠬᠢ᠂ ᠬᠠ᠂ ᠻᠤᠮᠫᠠᠨᠢ᠍ ᠪᠠᠲ᠋ᠠᠷᠧᠢ ᠢᠢᠨ ᠬᠠᠢᠢᠷᠴᠠᠭ ᠢ ᠳᠠᠪᠲᠠᠨ ᠪᠣᠯᠪᠠᠰᠤᠷᠠᠭᠤᠯᠵᠤ᠂ ᠫᠣᠯᠢᠫᠷᠣᠫᠢᠯᠧᠨ ᠬᠤᠪᠠᠨᠴᠢᠷ ᠭᠠᠷᠭᠠᠨ ᠠᠪᠴᠤ ᠬᠤᠪᠠᠨᠴᠢᠷ ᠫᠣᠳ᠋ᠳᠤᠨ᠂ ᠠᠷᠮᠠᠲ᠋ᠦ᠋ᠷ ᠤᠨ ᠲᠤᠰᠠᠭᠠᠷᠯᠠᠭᠴᠢ ᠦᠢᠯᠡᠳᠪᠦᠷᠢᠯᠡᠵᠦ ᠳᠣᠲᠣᠭᠠᠳᠤ ᠢᠢᠨ ᠵᠠᠬᠠ ᠵᠡᠭᠡᠯᠢ ᠳᠥ ᠨᠡᠢᠢᠯᠡᠭᠦᠯᠬᠦ ᠪᠡᠷ ᠲᠥᠯᠥᠪᠯᠡᠭᠰᠡᠨ ᠪᠠᠢᠢᠨᠠ᠃
ᠲᠤᠬᠠᠢᠢᠯᠠᠪᠠᠯ ᠵᠢᠯ ᠳᠥ 5.000 ᠲᠣᠨᠠ ᠪᠠᠲ᠋ᠠᠷᠧᠢ ᠳᠠᠪᠲᠠᠨ ᠪᠣᠯᠪᠠᠰᠤᠷᠠᠭᠤᠯᠵᠤ 360 ᠲᠣᠨᠠ ᠫᠣᠯᠢᠫᠷᠣᠫᠢᠯᠧᠨ ᠬᠤᠪᠠᠨᠴᠢᠷ ᠭᠠᠷᠭᠠᠨ᠂ 36 ᠮᠢᠩ᠋ᠭᠠᠨ ᠰᠢᠷᠬᠡᠭ᠌ ᠬᠤᠪᠠᠨᠴᠢᠷ ᠫᠣᠳ᠋ᠳᠤᠨ ᠦᠢᠯᠡᠳᠪᠦᠷᠢᠯᠡᠬᠦ ᠪᠣᠯᠤᠮᠵᠢᠲᠠᠢ᠃ ᠡᠨᠡ ᠨᠢ ᠮᠣᠳᠣᠨ ᠫᠣᠳ᠋ᠳᠤᠨ ᠢ ᠣᠷᠣᠯᠠᠬᠤ ᠪᠥᠭᠡᠳ ᠠᠰᠢᠭᠯᠠᠯᠲᠠ ᠢᠢᠨ ᠬᠤᠭᠤᠴᠠᠭᠠᠨ ᠳᠠᠭᠠᠨ 4.000 ᠣᠷᠴᠢᠮ ᠨᠠᠷᠠᠰᠤ ᠮᠣᠳᠣ ᠢᠢ ᠲᠠᠭᠠᠷᠢᠬᠤ ᠠᠴᠠ ᠬᠠᠮᠠᠭᠠᠯᠠᠨᠠ ᠭᠡᠰᠡᠨ ᠦᠭᠡ ᠶᠤᠮ᠃
ᠵᠢᠯ ᠳᠥ ᠮᠥᠨ ᠲᠣᠭᠠᠨ ᠤ ᠪᠠᠲ᠋ᠠᠷᠧᠢ ᠳᠠᠪᠲᠠᠨ ᠪᠣᠯᠪᠠᠰᠤᠷᠠᠭᠤᠯᠵᠤ᠂ ᠲᠡᠭᠦᠨ ᠳᠥ ᠠᠭᠤᠯᠤᠭᠳᠠᠬᠤ 1.000 ᠲᠣᠨᠠ ᠬᠦᠬᠦᠷ ᠦᠨ ᠬᠦᠴᠢᠯ ᠦᠨ ᠠᠭᠤᠰᠤᠮᠠᠯ ᠬᠠᠶᠠᠭᠳᠠᠬᠤ ᠠᠴᠠ ᠰᠡᠷᠭᠡᠢᠢᠯᠡᠵᠦ᠂ 200 ᠣᠷᠴᠢᠮ ᠲᠤᠨᠠ ᠭᠥᠯᠲᠦᠭᠡᠨ᠌ ᠡ ᠦᠢᠯᠡᠳᠪᠦᠷᠢᠯᠡᠬᠦ ᠶᠤᠮ ᠪᠠᠢᠢᠨᠠ᠃
ᠪᠠᠲ᠋ᠠᠷᠧᠢ ᠢᠢᠨ ᠤ ᠱᠣᠩ᠂ ᠬᠣᠯᠪᠣᠭᠠᠰᠤ᠂ ᠬᠠᠪᠲᠠᠩ ᠪᠣᠯᠤᠨ ᠰᠢᠪᠠᠭᠠᠰᠤ ᠢᠢ ᠴᠤ ᠳᠠᠪᠲᠠᠨ ᠪᠣᠯᠪᠠᠰᠤᠷᠠᠭᠤᠯᠵᠤ᠂ 99.97 ᠬᠤᠪᠢ ᠠᠴᠠ ᠳᠡᠭᠡᠭ᠍ᠰᠢ ᠴᠡᠪᠡᠷᠰᠢᠯᠲᠡ ᠲᠡᠢ ᠴᠡᠪᠡᠷ ᠬᠠᠷᠠ ᠲᠤᠭᠤᠯᠭᠠ ᠦᠢᠯᠡᠳᠪᠦᠷᠢᠯᠡᠵᠦ ᠡᠻᠰᠫᠣᠷᠲ᠋ ᠳᠣ ᠭᠠᠷᠭᠠᠨᠠ᠃ ᠴᠡᠪᠡᠷ ᠬᠠᠷᠠ ᠲᠤᠭᠤᠯᠭᠠ ᠪᠠᠷ ᠨᠡᠮᠡᠭᠦᠦ ᠥᠷᠲᠡᠭ ᠰᠢᠩ᠋ᠭᠡᠭ᠍ᠰᠡᠨ ᠪᠦᠲᠦᠭᠡᠭ᠍ᠳᠡᠬᠦᠨ᠂ ᠲᠤᠬᠠᠢᠢᠯᠠᠪᠠᠯ ᠷᠧᠨ᠋ᠲ᠋ᠭᠧᠨ ᠲᠤᠶᠠᠭᠠ ᠲᠤᠰᠠᠭᠠᠷᠯᠠᠬᠤ ᠬᠠᠪᠲᠠᠩ᠂ ᠻᠠᠲ᠋ᠣᠳ᠋ ᠍ ᠤᠨ ᠵᠡᠰ ᠦᠨ ᠦᠢᠯᠡᠳᠪᠦᠷᠢᠯᠡᠯ ᠦᠨ ᠲᠧᠭᠨᠣᠯᠣᠭᠢ ᠢᠢᠨ ᠬᠠᠪᠲᠠᠩ ᠦᠢᠯᠡᠳᠪᠦᠷᠢᠯᠡᠳᠡᠭ ᠶᠤᠮ᠃
《ᠡᠯᠧᠻᠲ᠋ᠷᠣᠻᠧᠮ ᠮᠣᠩ᠋ᠭᠣᠯ》ᠬᠢ᠂ ᠬᠠ᠂ ᠻᠤᠮᠫᠠᠨᠢ᠍ ᠡᠮᠦᠨᠡ ᠪᠤᠶᠤ 2018 ᠣᠨ ᠠᠴᠠ ᠡᠭᠦᠷ ᠦᠨ ᠲᠧᠯᠧᠹᠣᠨ ᠻᠣᠮᠫᠠᠨᠢ ᠨᠤᠭᠤᠳ ᠤᠨ ᠪᠣᠯᠤᠨ ᠲᠡᠭᠡᠭᠡᠪᠦᠷᠢ ᠢᠢᠨ ᠬᠡᠷᠡᠭᠰᠡᠯ ᠦᠨ ᠠᠰᠢᠭᠯᠠᠯᠲᠠ ᠠᠴᠠ ᠭᠠᠷᠤᠭᠰᠠᠨ ᠪᠠᠲ᠋ᠠᠷᠧᠢ ᠢᠢ ᠳᠠᠬᠢᠨ ᠰᠡᠷᠭᠦᠭᠡᠬᠦ ᠦᠢᠯᠡᠴᠢᠯᠡᠭᠡ ᠦᠵᠡᠭᠦᠯᠵᠦ ᠪᠠᠢᠢᠵᠠᠢ᠃
