ХУУЛЬ ТОГТООМЖИЙН ТУХАЙ ХУУЛЬД НЭМЭЛТ ОРУУЛАХ ХУУЛИЙН ТӨСӨЛ
Монгол Улсын Ерөнхийлөгч Монгол Улсын Их Хурлаас батлан гаргах хууль болон бусад шийдвэр Үндэсний аюулгүй байдлын үзэл баримтлалд нийцсэн байх, хууль тогтоох үйл ажиллагаанд энэ шалгуурыг заавал хянан үзэж, харгалзан шийдвэрлэх шаардлага бий болгох зорилгоор энхүү хуулийн төслийг санаачилж байна.
Үндэсний аюулгүй байдлын тухай хуульд “Үндэсний аюулгүй байдлын үзэл баримтлал нь үндэсний аюулгүй байдлын талаархи төрийн бодлогын нэгдмэл, залгамж чанарын үндэс болно”, “хууль тогтоох, гүйцэтгэх, шүүх эрх мэдлийг хэрэгжүүлэгч болон нутгийн өөрөө удирдах байгууллагууд нь үндэсний аюулгүй байдлыг хангах зорилтыг Монгол Улсын Үндсэн хууль болон бусад хууль тогтоомжид нийцүүлэн, тус тусын бүрэн эрхийн хүрээнд хэрэгжүүлэх үүрэгтэй” гэж заасан байдаг.
Хууль тогтоох үйл ажиллагаанд үндэсний аюулгүй байдлыг хангах зорилт хангалтгүй хэрэгжиж байгаагаас улс орны эрх ашигт нийцэхгүй хууль тогтоомж гарах, нийцсэн хууль тогтоомж нь элдэв нөлөөллөөр өөрчлөгдөх, хүчингүй болох зэрэг сөрөг үр дагаварт хүргэж байгаа бөгөөд энэ нь хуулийн төсөл боловсруулах гол үндэслэл болж байна.
Та хуулийн төсөл болон үзэл баримтлал, танилцуулга, материалтай танилцан судалж, санал, зөвлөмжөө tusul@president.mn хаягаар ирүүлнэ үү.